Լիագումար նիստ

Այնուհետև գիտաժողովի մասնակիցներին ողջունեց Հայաստանի Հանրապետության վարչապետ, Մանկավարժական համալսարանի խորհրդի նախագահ Տիգրան Սարգսյանը: Նա նշեց, որ քննարկվող թեման խիստ արդիական է ոչ միայն գիտնականների, այլև քաղաքական գործիչների համար: «Համոզված եմ, որ այս գիտաժողովը կնպաստի Մանկավարժական համալսարանի միջազգային կապերի ամրապնդմանը: Մենք մշակել ենք համալսարանի զարգացման հավակնոտ ծրագիր՝  նրա մակարդակը միջազգային լավագույն համալսարանների չափանիշներին բարձրացնելու համար»,- ասաց Տիգրան Սարգսյանը: Վարչապետը շարունակեց, որ համաշխարհային տնտեսական ճգնաժամն առավել սուր ձևով է ներկայացնում փոխակերպվող հասարակության խնդիրները և պահանջում քաղաքական գործիչներից` գտնել այնպիսի լուծումներ, որոնք թույլ չեն տա քաղաքացիների կենսա մակարդակի նվազում: «Մենք ապրում ենք մի աշխարհում, որի թիվ մեկ բնութագիրն արագ փոփոխություններն են, որոնց արդյունքում էապես ուժգնացել են փոխադարձ ազդեցությունները, և աշխարհը դարձել է շատ ավելի բաց: Մեր աչքի առջև ձևավորվում է որակապես նոր տիպի՝ պոստինդուստրիալ հասարակություն, որի հենքային գործընթացը ոչ թե ապրանքների, այլ գիտելիքի արտադրությունն է: Ժամանակակից է համարվում այն հասարակությունը, որն ի վիճակի է արտադրել ժամանակակից գիտելիք»,- ընգդծեց ՀՊՄՀ խորհրդի նախագահը:

Լիագումար նիստում «Հավիտենական տիեզերքը և մարդու դատապարտված իրավունքը. Համակերպում, թե նախաձեռնողականություն» թեմայով առաջին զեկուցումը ներկայացրեց փիլիսոփայության դոկտոր, ակադեմիկոս, Աթենքի համալսարանի պատվավոր ռեկտոր, Փիլիսոփայության միջազգային ակադեմիայի համանախագահ Եվանգելոս Մուցո-պուլոսը: «Մարդկության արտաքին տարածությունը` առաքինություններով և թերացումներով հանդերձ, իր մեծացմանը զուգընթաց ստիպված է հանդիպել տիեզերքի անողոք օրենքներին: Կփրկվի այն վերջապես շարունակական վերահարմարեցումների շնորհիվ, թեև հարկադրաբար կարտաքսվի Երկրի կողմից…»: Ըստ Եվանգելոս Մուցոպուլոսի` նախկին հեռանկարը կարող է գերակշռել միայն այն պայմանով, եթե ենթադրվի մարդու բնությունից ագահության բացառումը:
Այնուհետև փիլիսոփայության պրոֆեսոր, Ինսբրուքի համալսարանի փիլիսոփայության բաժանմունքի ղեկավար, Փիլիսոփայության միջազգային ակադեմիայի համանախագահ   Հանս Կոխլերը ներկայացրեց «Արդի բազմամշակութային հասարակությունը և միջմշակութային հարաբերությունների հերմենևտիկան» թեմայով զեկուցում: Նա ասաց, որ «մշակութային ինքնության տեղական, տարածաշրջանային և համաշխարհային հարթությունների միջև առկա բարդագույն փոխհարաբերությունները մեծացնող բազմամշակութային հասարակություններին ներկայացնում են նոր մարտահրավերներ», և որ «պետությունների կայունության ապագան կախված կլինի նրանից, թե ինչպես են նրանք վերաբերվում մշակութային բազմազանությանը»: «Քաղաքակրթությունների երկխոսության» ժամանակակից դիսկուրսի համատեքստում, գլոբալ քաղաքակրթական գիտակցության զարգաց-մանը զուգընթաց, բանախոսը փորձեց ուրվագծել միջմշակութային հարաբերությունների դինամիկան:

Կոպենհագենի Աարուսի համալսարանի պրոֆեսոր, Կրթության բաժանմունքի էթիկայի և իրավունքի կենտրոնի տնօրեն, Փիլիսոփայական ընկերությունների միջազգային ֆեդերացիայի (FISP) նախագահ, փիլիսոփայության XXII համաշխար հային համաժողովի (2008) նախագահ, Փիլիսոփայության միջազգային ակադեմիայի ակադեմիկոս Փիթեր Քեմփը հանդես եկավ «Կոսմոպոլիտիզմը մեր ժամանակներում» թեմայով զեկուցմամբ: «Աշխարհի քաղաքացի կամ կոսմոպոլիտ լինելն այսօր ենթադրում է ընդունել, որ ընդհանուր կարևոր խնդիրներ կան, որոնք ոչ մի ազգ` նույնիսկ ամենաուժեղը, չի կարող միայնակ լուծել»,- ասաց նա: Խոսելով այդ խնդիրների մասին` զեկուցողն ընդգծեց, որ աշխարհի քաղաքացին «չպետք է դեմ խաղա ազգային քաղաքացուն, այլ ընդհանուր մտածողությունն ու գործունեությունը պետք է ուղղված լինեն անհատական, տեղային և ազգային կյանքի պահպան-մանը»: Հանդիսավոր նիստի վերջում ՀՀ ԳԱԱ ակադեմիկոս, Փիլիսոփայության միջազ-գային ակադեմիայի նախագահ Գեորգ Բրուտյանը ՀՀ վարչապետ Տիգրան Սարգսյնին շնորհեց Փլիսոփայության միջազգային ակադեմիայի պատվավոր դոկտորի կոչում: Տիգրան Սարգսյանն այն համարեց պարտավորեցնող և շնոր հակալություն հայտնեց բարձր գնահատանի համար:

Գիտաժողովի հանդիսավոր փակում

Ապրիլի 17-ին կուլտուրայի ֆակուլտետի դահլիճում անցկացվեց հանդիսավոր արա­րո­­ղություն, որով ամփոփվեց «Փոխակերպվող հասարակության զարգացման տե սական և գործ­նական հիմնախնդիրներ (փիլիսոփայական և հոգեբանական տեսանկյուն ներ)» խո­րագ­րով միջազգային գիտաժողովը: Համալսարանի ռեկտոր, պատմական գի տությունների դոկտոր, պրոֆեսոր Ռուբեն Միր­զախանյանը համատեղ աշխատանքի համար շնորհակալություն հայտնեց գիտաժողովի բո­լոր մասնակիցներին, հյուրերին և կազմակերպիչներին: Նա վստահեցրեց, որ իր ծավալով և բովանդակությամբ առաջին և ան նախադեպ այդ գիտաժողովը կլինի շարունակական և ավե­լի կատարյալ:

Ռ.Միրզախանյանը Մանկավարժական համալսարանի գիտական խորհրդի որոշ­մամբ համալսարանի պատվավոր դոկտորի կոչումներ շնորհեց ակադեմիկոս, Աթենքի հա­մալ­սարանի պատ վավոր ռեկտոր, Փիլիսոփայության միջազգային ակադեմիայի համա­նա­խա­գահ Եվանգելոս Մուցոպուլոսին, Ինսբրուքի համալսարանի փիլիսոփայության բա­ժան­­մունքի ղեկավար, Փիլիսոփայության միջազգային ակադեմիայի համանախագահ Հանս Կոխ­լերին, Կոպենհագենի Աարուսի համալսարանի պրոֆեսոր, Կրթության բաժան մունքի էթի­կայի և իրավունքի կենտրոնի տնօրեն, փիլիսոփայական ընկերությունների մի ջազգային ֆե­դե­րացիայի նախագահ, փիլիսոփայության 22-րդ համաշխարհային համա ժողովի (2008) նա­խագահ, Փիլիսոփայության միջազգային ակադեմիայի ակադեմիկոս Փիթեր Քեմպին, Գլազ­գոյի շոտլանդական համալսարանի դատակլինիկական հոգե բանության պրոֆեսոր, Հո­գե­բանության և իրավունքի եվրոպական ընկերացության նախա գահ (Մեծ Բրիտանիա) Դեյ­վիդ Կուկին և հոգեբանության դոկտոր, Ֆրանսիայի Դիդրոյի անվան համալսարանի պրո­ֆե­սոր Ֆրանսուա Նոյին:

Ակադեմիկոս Գեորգ Բրուտյանն իր հերթին Հայոց փիլիսոփայական ակադեմիայի կողմից պարգևատրվեց վերոնշյալ գիտնականներին «Դավիթ Անհաղթ» մեդալով:

Պարգևատրվածները շնորհակալություն հայտնեցին ջերմ հյուրընկալության և իրենց բարձր պարգևների արժանացնելու համար: Գիտաժողովի մասնակիցներին ողջունեց գիտաժողովի նախագահը` ՀՀ ԳԱԱ ակադե­մի­կոս, Փիլիսոփայության միջազգային ակադեմիայի նախագահ, ՀՊՄՀ-ին առընթեր Մետա­փի­լիսոփայության, փոխակերպման տրամաբանության և փաստարկման տեսության միջազ­գա­յին գիտահետազոտական ինս տիտուտի տնօրեն Գեորգ Բրուտյանը

«Ավարտվեց մեր գիտաժողովը, որը ծնվեց հաճույքով և հաղթահարեց շատ դժվա­րութ­յուններ»,- ասաց ակադեմիկոսը: Գ.Բրուտյանը շնորհավորեց բոլորին գիտաժողովը լավագույնս անցկացնելու և ավարտելու կապակցությամբ, անդրադարձավ կազմակերպ­չա­կան խնդիրներին` հատկապես ընդգծելով կազմակերպիչների և մասնակիցների` անձ նա­զո­հութ­յան գնով նպատակին հասնելու ջանքերը: Նա խոսեց հոգեբանության ոլոր տի նախկին և ներկա զարգացումների, ինչպես նաև փիլի­սո­փայական գիտության առաջըն թացի  մասին:

«Ավարտվեց մեր գիտաժողովը, որը ծնվեց հաճույքով և հաղթահարեց շատ դժվա­րութ­յուններ»,- ասաց ակադեմիկոսը: Գ.Բրուտյանը շնորհավորեց բոլորին գիտաժողովը լավագույնս անցկացնելու և ավարտելու կապակցությամբ, անդրադարձավ կազմակերպ­չա­կան խնդիրներին` հատկապես ընդգծելով կազմակերպիչների և մասնակիցների` անձ նա­զո­հութ­յան գնով նպատակին հասնելու ջանքերը: Նա խոսեց հոգեբանության ոլոր տի նախկին և ներկա զարգացումների, ինչպես նաև փիլի­սո­փայական գիտության առաջըն թացի  մասին:

Գ.Բրուտյանն ասաց, որ փիլիսոփայական գիտությունը մեծ ավանդույթներ ունի և այս­օր էլ իր գործընկերների հետ շարունակում են զարգացնել այն. «Բայց եթե հասել ես որոշ խնդիրների լուծման, չպետք է կանգ առնել, որովհետև կանգ առնել` նշանակում է` ետ գնալ: Գիտ­նա­կանը որպեսզի հանգստանա` պետք է անհանգստանա»: Գիտնականը հորդորեց գի­տութ­յան մեջ երբեք չհանգստանալ, այլ ձգտել միշտ առաջինը լինել: «Ես ցանկանում եմ ամեն ինչ անել, որպեսզի Մանկավարժական համալսարանն ունենա մի ջազգային հեղինա­կութ­յուն»,- ամփոփեց նա:

Հանդիսավոր արարողությունը եզրափակվեց գիտաժողովի մի շարք  մասնակիցների և կազմակերպիչների պարգևատրումներով:

Գեորգ Բրուտյանը Մանկավարժական համալսարանի ռեկտոր, պատմական գիտութ­յուն­ների դոկտոր, պրոֆեսոր Ռուբեն Միրզախանյանին շնորհեց Փիլիսոփայության միջազ­գա­յին ակադեմիայի պատվավոր դոկտորի կոչում և «Դավիթ Անհաղթ» մեդալ:    Մինսկի պետական համալսարանի փիլիսոփայական գիտությունների և գաղա­փա­րա­խոսական աշխատանքների ամբիոնի պրոֆեսոր, փիլիսոփայական գիտություն ների դոկ­տոր Վլադիմիր Բերկովին Գեորգ Բրուտյանը շնորհեց Հայոց փիլիսոփայական ակադե միայի արտա­սահմանյան անդամի, իսկ ՀՊՄՀ Կրթության հոգեբանության և սոցիոլո գիայի ֆակուլտե­տի դեկան, հոգեբանական գիտությունների դոկտոր, պրոֆեսոր Սրբուհի Գևորգյանին` Հայոց փիլիսոփայական ակա­դեմիայի թղթակից անդամի կոչում:

Հայոց փիլիսոփայական ակադեմիայի թղթակից անդամի կոչման արժանացան նաև ԵՊՀ Սոցիոլոգիայի ֆակուլտետի դեկան, փիլիսոփայական գիտությունների դոկտոր, պրո­ֆե­սոր Արթուր Մկրտիչյանն ու ԵՊՀ սոցիոլոգիայի ամբիոնի վարիչ, դոցենտ, քաղա քական գի­տութ­յունների դոկտոր Արթուր Աթանեսյանը:

«Դավիթ Անհաղթ» մեդալով պարգևատրվեցին նաև գիտաժողովի մասնակիցներ Անա Բա­զակը, Ասպեդ Արիյանը, Յուհա Ռայկան, Ռիտա Կոյումջյան-Երամյանը, Մանուկ Մկրտչյանը, Ռուբեն Համբարձումյանը, Լիլիթ Բրուտյանը, Վիլ Պողոսյանը, Ռոբերտ Ջիջ­յանը, Հովհաննես Հովհաննիսյանը, Նաիրա Հակոբյանը, Հասմիկ Հովհաննիսյանը, համալ­սա­րանի պրոռեկտորներ Արա Երեմյանը, Արմեն Թամազյանը, Մհեր Մելիք-Բախշյանը, Տիգ րան Այվազ­յանը: