ՍԵԿՑԻԱ 2. Գիտության փիլիսոփայության, տրամաբանության և փաստարկման հիմնահարցեր

Քննարկվելիք թեմաներ

• Տրամաբանություն, փաստարկում, հռետորիկա
• Գիտության փիլիսոփայություն (իմացաբանություն, էպիստեմոլոգիա, մեթոդաբանություն)
• Լեզվի փիլիսոփայություն
• Արհեստական ինտելեկտի իմացաբանական-տրամաբանական հիմնահարցեր

3-րդ բաժանմունք: Երիտասարդ հետազոտողներ

Գիտաժողովի ծրագիրը ներբեռնել այստեղ:

Գիտաժողովի ուղերձը

«Փիլիսոփայությունը և արդի մարտահրավերները։ Մարդը գոյաբանական ծուղակում» միջազգային գիտաժողովի (ԵՊՀ, Հայաստան, 20-22-ը նոյեմբերի, 2025 թ.) ուղերձը փիլիսոփայության ոլորտի գործընկերներին, ակադեմիական հաստատություններին, գիտակրթական կենտրոններին, միջազգային կազմակերպություններին

21-րդ դարի մարդուն և քաղաքակրթական միջավայրի գոյությանը սպառնացող խնդիրների շարքը չի կրճատվում։ Փոխվում են դրանց բնույթն ու մասշտաբները։

Պատմական գործընթացների արագացման մեր ժամանակներում նորանոր մարտահրավերներ են հառնում մարդու և հասարակության առջև.

• Քաղաքակրթական արժեքներին ու մարդկության գոյությանը սպառնացող համաշխարհային պատերազմի՝ հետզհետե ավելի իրատեսական դարձող վտանգ
• Ֆինանսատնտեսական համակարգի համաշխարհային ճգնաժամեր, պարենային անբավարարություն
• Համաճարակներ, սով, աղքատություն, սոցիալական անարդարություն
• Մարդու առողջությանն ու գոյությանը սպառնացող էկոլոգիական խնդիրներ՝ հետզհետե ավելի ու ավելի սրվող
• Մարդկության դեմ ուղղված հանցագործություններ, բռնի տեղահանություններ, ցեղասպան ծրագրեր ու գործողություններ
• Բարոյական, արժեքային համակարգերի ձևախեղում
• Արհեստական բանականության համակարգերի և տեղեկատվական տեխնոլոգիաների բուռն զարգացման հետ կապված բարոյագիտական, իրավական, արժեքաբանական համակարգերի վերանայման և զարգացման խնդիրներ

Այս խնդիրների հաղթահարման ու լուծման գլխավոր բանալին մարդու վերափոխման, նրա գիտակցության, հոգևոր-արժեքային, աշխարհայացքային համակարգերի զարգացման, կրթական համակարգերի ոչ այնքան ձևական-կառուցվածքային, որքան բովանդակային բարեփոխման մեջ է։ Քանզի մարդկության ապագան մեծապես պայմանվորված է կրթական համակարգերի ներկայիս գործունեությամբ։

Այդ առումով էական նշանակություն է ստանում վերոգրյալ խնդիրների փիլիսոփայական վերաիմաստավորումը, հանրային ու մասնագիտական քննարկումների դաշտում դրանց արդյունավետ լուծումների ուրվագծումը։

Էապես կարևոր է ազգային կրթական միջավայրերում համամարդկային բարոյական ու գաղափարական արժեքներ արմատավորող համադրելի կրթական համակարգերի ձևավորումը, խրախուսումն ու զարգացումը։

21-րդ դարի հանրությանը սպառնացող մարտահրավերների ու ծուղակների հաղթահարման առանցքային երաշխիքներից մեկն էլ պետք է լինի փիլիսոփայական գիտելիքի զարգացման, կրթական ծրագրերում փիլիսոփայական, բարոյագիտական գիտակարգերի՝ իբրև պարտադիր բաղադրիչների ավելացման, մատուցվող ծրագրերն ու գիտելիքը հումանիստական, մարդակենտրոն գաղափարների ու արժեքների շուրջ ձևավորելու քաղաքականությունը։

Գիտաժողովի կազմակերպչական կոմիտե

• Հովհաննես Օ. Հովհաննիսյան - փ.գ.թ., դոցենտ, ԵՊՀ փիլիսոփայության պատմության, տեսության և տրամաբանության ամբիոն, Հայաստանում ֆրանսիական համալսարան, Հայոց փիլիսոփայական ակադեմիա

• Ալեքսան Բաղդասարյան - փ.գ.թ., դոցենտ, ԵՊՀ փիլիսոփայության և հոգեբանության ֆակուլտետի դեկան

• Սեյրան Զաքարյան – փ.գ.դ., պրոֆեսոր, ԵՊՀ փիլիսոփայության պատմության, տեսության և տրամաբանության ամբիոնի վարիչ, Հայոց փիլիսոփայական ակադեմիայի նախագահության անդամ

• Օանա Սերբան – փիլիսոփայության դոկտոր, պրոֆեսոր, Բուխարեստի համալսարան (Ռումինիա), Փիլիսոփայության ֆակուլտետ։ Փիլիսոփայական գաղափարների պատմության և տարածման հետազոտական կենտրոնի (CCIIF) տնօրեն

• Սիլվա Պետրոսյան - փ.գ.թ., դոցենտ, ԵՊՀ փիլիսոփայության պատմության, տեսության և տրամաբանության ամբիոն

• Հասմիկ Հովհաննիսյան – փ.գ.դ., պրոֆեսոր, ՀՊՄՀ ակադ. Գ. Բրուտյանի անվան փիլիսոփայության և տրամաբանության ամբիոնի վարիչ, Հայոց փիլիսոփայական ակադեմիայի նախագահ

• Օլեգ Գաբրիելյան – փ. գ. դ., պրոֆեսոր, Վ. Ի. Վերնադսկու անվան Ղրիմի դաշնային համալսարան

• Նելլի Ալավերդյան - փ. գ. թ., դոցենտ, ԵՊՀ փիլիսոփայության և հոգեբանության ֆակուլտետ, գրասենյակի ղեկավար

• Քաջիկ Օհանյան – փ.գ.դ., պրոֆեսոր, Սանկտ Պետերբուրգի (ՌԴ) Պ. Ֆ. Լեսգաֆտի անվան ֆիզիկական կուլտուրայի, սպորտի և առողջության ազգային պետական համալսարան

• Կարինե Յարալյան - փ.գ.թ., դոցենտ, ԵՊՀ սոց. փիլիսոփայության, բարոյագիտության և գեղագիտության ամբիոն

• Երանուհի Մանուկյան - փ.գ.թ., դոցենտ, ԵՊՀ գիտական քաղաքականության վարչության պետ

• Աստղիկ Պետրոսյան – ՀՀ ԳԱԱ փիլիսոփայության, սոցիոլոգիայի և իրավունքի ինստիտուտի հայցորդ, ԵՊՀ տեղեկատվական տեխնոլոգիաների վարչություն

Էլհասցե՝ philosophy_conference@ysu.am 

Մեր բանախոսները