Միջազգային գիտաժողովներ

Հայոց փիլիսոփայական ակադեմիան իր գոյության ընթացքում կազմակերպել է մի շարք միջազգային գիտաժողովներ, տեսական սեմինարներ՝ «կլոր-սեղաններ» ինչպես Հայաստանում, այնպես էլ արտասահմանյան տարբեր երկրներում, այդ թվում՝ Կլոր-սեղան փաստարկման հարցերի շուրջ 18-րդ Համաշխարհային փիլիսոփայական համաժողովի շրջանակներում՝ Բրայտոնում (Անգլիա), Ֆինն-հայկական գիտաժողով Տարկուում (Ֆինլանդիա, 1988 թ.), որին Հայստանից մասնակցել են ինը փիլիսոփա, Երիտասարդ գիտնականների՝ փաստարկման հարցերին նվիրված գիտաժողով Սևանում (Հայաստան, 1988 թ.), Փաստարկման հարցերին նվիրված հայ-ֆինն-հոլանդական գիտաժողով Երևանում և Սևանում (Հայաստան, 1989 թ.) և այլն:

Նախապատրաստական աշխատանքներ և քննարկումներ

Հայկական ՍՍՀ Գիտությունների ակադեմիայի արձանագրություններից մեկում նշվում է գիտաժողով կազմակերպելու որոշումը՝ ՀՀՍՀ ժողովրդական կրթության նախարարության և Երևանի պետական համալսարանի հետ համատեղ՝ գիտակազմակերպական աշխատանքներում ընդգրկելով նաև Սևանի իմաստասիրության կաճառը։ Տեսական բարձր մակարդակ ապահովելու նպատակով Ակադեմիան իրականացրել է նախապատրաստական լայն աշխատանքներ, այդ թվում՝ 1989 թ. փետրվարից մինչև ապրիլ կազմակերպել է բանավեճ «Փաստարկման սահմանումը, դրա բաղադրիչ տարրերը և վերջիններիս փոխհարաբերությունը» թեմայով, որը հետագայում ընդլայնվել է և ներառել հարակից հիմնախնդիրների քննարկում։ 

Մասնակցություն այլ հաստատությունների միջազգային գիտաժողովներին

Ակադեմիան ակտիվ մասնակցություն է ունեցել նաև այլ կազմակերպությունների կողմից իրականացված միջազգային գիտաժողովներին, այդ թվում՝

• «Փաստարկումը, տրամաբանությունը և իմացությունը» (Գենտ, Բելգիա, 1989 թ., Հայաստանից՝ 4 զեկուցող),
• Փաստարկման հարցերին նվիրված երկրորդ միջազգային գիտաժողովը (Ամստերդամ, Նիդեռլանդներ, 1990 թ.),
• «Փաստարկման տեսության կիրառումը քաղաքականությունում, արդյունաբերությունում և բիզնեսում» (Սանկտ-Պետերբուրգ, ՌԴ, 1992 թ.),
• «Փաստարկման տեսությունն ու պրակտիկան» (Տուրկու, Ֆինլանդիա, 1993 թ.) և այլն:

Համատեղ նախաձեռնություններ

Գիտաժողովների կազմակերպման գործում կարևոր տեղ են զբաղեցնում նաև Ակադեմիայի և այլ հաստատությունների համատեղ նախաձեռնությունները։ Դրանց թվում առանձնանում են՝ Գիտությունների ազգային ակադեմիայում անցկացված «20-րդ դարի հայ մշակույթի մեկնաբանման և գնահատման խնդիրները» թեմայով գիտական նստաշրջանը (ԳԱԱ հումանիտար գիտությունների բաժանմունքի և Հայոց փիլիսոփայական ակադեմիայի նախաձեռնությամբ), ինչպես նաև միջազգային գիտաժողովները՝ Աթենքի համալսարանի հետ (2004 թ.), Հայ-ռուսական սլավոնական համալսարանում (2005 թ.), ԱՄՆ-ում (2007 թ.), ՀՊՄՀ-ում (2012 թ., 2016 թ.)։ Մանրամասն նյութերը ներկայացված են կայքի “Գիտաժողովներ” բաժնի համապատասխան ենթահարթակներում։